توضيح بخصوص التعويض عن العمل واجرة 2000 درهم المخصصة من طرف الضمان الاجتماعي
شكون عندهم الحق فالتعويض ؟
كل شخص مشترك ومسجل في الضمان ومصرح في شهر 2 اي فبراير سنة 2020 مخلص اشتراك فقط .
سؤال ؟ انا خدام فكابلاج او عامل في شركة او اجير في شركة او مقاولة صغيرة او متوسطة واش غانستافد ؟
جواب : نعم الى كانت الشركة توقفات عن العمل فهاد الازمة وصرحات للدولة انها وقفات ووقفو العمال عن العمل سوف تستفيذ والا باقيا الشركة خدامة ونتا باقي خدام مغاديش تستافد مدام انك تعمل في هذه الازمة.
س: كيفاش تعرف الدولة اني باقي خدام او لالا ؟
ج : الشركة فاش غادي توقف غادي تعلم الدولة
س : انا خدام فمدرسة خاصة استاذ او شيفور واش غادي نستافد ؟
ج: اذا كان مدير المؤسسة مصرح بيك فالضمان وكايخلص.
الاشتراكات وخاصة شهر فبراير 2020 نعم غادي تستافد الا مكانش مصرح بيك مغاديش تستافد
س : انا خدام فقهوة او مطعم او مخبزة اوسناك واش غادي نستافد ؟
ج: نعم مثل الاجير او العامل غادي تستافد الا كان باطرون.
مدكلاريك فالضمان ومصرح ليك شهر فبراير غادي تستافد الا مادكلاراكش لا ماغاديش تستافد للاسف
س : فين غادي يصيفطولي الفلوس :؟
ج : غادي يصيفطوهالك فالكونط ديال بنك بالنسة لي عطاوهم الكونط قبل فاش كانو يستافدو من فلوس الدراري او فلوس المرض والدوا .اما لي ماعطاوهمش لكونط غالبا غادي يصيفطولك شيك بنك للعنوان ديالك او فلاجونص .
س :انا متقاعد واش غادي نستافد؟
ج: لا نتا عندك اجرة التقاعد شهرية مايمكنش تستافد جوج دلمرات.
س: انا بناي او صباغ او حرفي او عامل او بلومبي اي عامل يومي جورني خدام عند تاجر ماعندي لا ضمان لا والو واش غادي نستافد ؟
جواب : لحد الان خرج قرار غير لي مشتركين فالضمان هما لي عندهم الاستفادة والباقي لي ماعندو لاضمان لا والو مزال تايدرسو ليكم اشنو يديرو وان شاء الله الا دارو شي حاجة نعلموكم بيها ونوجهوكم باش تستافدو .
وبالنسبة الوثائق لكتملأ بالمعلومات المتعلقة بك
موجدة أيضا في مكتبنا
اشترك في الصفحة، باش يوصلك الجديد
واخيرا بقى فدارك
Comments
Post a Comment
نحن سعداء بتشريفك لنا، فأهلاً وسهلا بك، وكلنا أملٌ بأن تجد هنا، ما يسعدك ويفيدك ويطيّب خاطرك، نتمنى ان ننال اعجابكم، تحيّاتي وتقديري